आज मिति २०८१/०३/२६ गते भू तथा जलाधार व्यवस्थापन कार्यालय, पर्वतको आयोजना तथा जिल्ला समन्वय समिती, पर्वतको समन्वय र सहजीकरणमा कार्यालयले आ.व. २०८०/८१ मा कार्यक्षेत्रका जिल्लाहरु मुस्ताङ, म्याग्दी, बागलुङ, पर्वत र स्याङ्जामा सम्पादित योजनाहरुको प्रगती समिक्षा तथा आगामी आ.व. २०८१/८२ का कार्यक्रम र बजेट सार्वजनिक गरियो । उक्त कार्यक्रमको अध्यक्षता जिसस पर्वतका उपप्रमुख सोम बहादुर जिसीज्यूको […]
Category: महत्वपूर्ण लिङ्कहरु
सचिव डा. रामचन्द्र कँडेलज्यू लगायत मन्त्रालयको टिमबाट कार्यालय तथा नर्सरी अनुगमन
उद्योग, पर्यटन, वन तथा वातावरण मन्त्रालय, गण्डकी प्रदेशका सचिव डा. रामचन्द्र कँडेलज्यू लगायत मन्त्रालयको टिमको कार्यालय तथा नर्सरीमा भएको अनुगमनको झलक +6
२ दिने कम खर्चिलो भूसंरक्षण प्रविधि तालिम
भू तथा जलाधार व्यवस्थापन कार्यालय, पर्वतको आयोजनामा असार ९ गतेदेखि शुरुभएको २ दिने कम खर्चिलो भूसंरक्षण प्रविधि तालिम आज असार १० गते सम्पन्न भएको छ । पर्वत र बागलुङमा संचालित भुसंरक्षण संबन्धी योजनामा आबद्ध समितिका महिला ९ जना र पुरुष २३ जना गरी ३२ जना पदाधिकारी उपभोक्ताहरुको सहभागिता रहेको थियो ।
भू तथा जलाधार व्यवस्थापन कार्यालय पर्वतको पृष्ठभूमि
भिरालो भू बनोट, कमलो तथा अस्थिर भौगर्भिक अवस्था तथा मनसून केन्द्रित भारी वर्षा जस्ता प्राकृतिक कारणले नै नेपाल भू क्षयको दृष्टिकोणले अत्यन्त संवेदनशील छ भने मानवजन्य क्रियाकलाप खासगरी अनुपयुक्त भू उपयोग, वन जंगल लगायत प्राकृतिक श्रोतहरूको विनास, वातावरणीय पक्षलाई बेवास्ता गरी संचालन गरिने विकास निर्माण कार्यहरू एवं जनचेतनाको कमीका कारण भएका अन्य मानवीय क्रियाकलापहरूका कारणले प्राकृतिक रूपमा हुने भू क्षयलाई बढाई भू क्षय, पहिरो र बाढीको समस्यालाई झनै भयावह बनाएको छ ।
भूक्षयको कारण बर्षेनी खेतवारीको मलिलो माटो बगाई कृषि जमिनको उत्पादकत्वमा ह्रास आएको छ भने पहिरो र बाढीको कारण खेतीयोग्य जमिन र विकासका पूर्वाधारको विनाश तथा जनधनको क्षति गरी आक्रान्त बनाएको छ ।
